糖友進食水果，知道果糖含量嗎？

琴晚11點幾篤手指4.9，因為冇乜肚餓感覺，所以冇特別加小食，點知今日10點幾食早餐前篤下手指，竟然7.0(近排少見)，女兒又整咗早餐，雖然餐前高咗少少，但都要食嘅，於是我食咗⅓個福字米粉+6隻煎餃，伴隨早上食嘅控糖藥：(Metformin 1000mg、Empagliflozin 25mg、Ploglitazone 30mg、胰島素 28unit)，餐後兩小時再篤手指6.2。 如果空腹唔係咁高，本來我可以承受½個福字米+10-12只煎餃，食少咗添😓

琴晚天氣好悶焗，瞓得唔係咁好，今朝好早就起咗身，無無聊聊又唔想自己整嘢食，於是落街去大快活食咗呢份早餐，今日竟然食得曬(平時通粉食一半)，跟住四圍行下，返到屋企閙鐘響(食嘢時習慣調好倒數兩小時)，拿拿聲篤下手指，睇下餐後會唔會升(早餐我跟針、藥，所以一般唔會升好多)，咦！5.2mmol/L，即係代表針藥份量fit到漏油，正！ 以上重點係： ①確診糖尿病患者係絕對需要配合醫學，達致平衡及穩定血糖。 ②詳細血糖記錄(篤手指)有助醫護調整適合自己嘅藥物劑量，當血糖值改善，可以適時減藥(小弟九月到而家，已經減咗三次藥)，所以用藥並非一定越食越多。 ＊圖片內葯物包括：Amlodipine(血壓)、Atenolol(血壓)、Losartan(血壓)、Empagliflozin(糖尿)、Metformin(糖尿)、Pioglitazone(糖尿)、胰島素針劑 改變飲食習慣、配合藥物輔助、加強運動量，控糖就係咁簡單，為乜要用乜乜物物方法虐待自己？使乜花無謂錢去買大堆保健品？點解要捐窿捐罅去揾特別食材？ 真係咁得閒？