#香香食好西 #食在銅鑼灣 #nearD好西蠔癮又起，...

#香香食好西 #食在銅鑼灣 #nearD好西蠔癮又起，居然有間有生蠔任食嘅放題，拿拿聲book個位食餐勁🥴 +$118就可以升級任食海膽帶子同法國生蠔，法國蠔雖然體型偏瘦削，但海水味夠濃，唔洗加調味料都夠味。個人更愛海膽帶子，爽甜嘅帶子開半，笑口中夾住軟滑鮮甜嘅海膽，忍唔住一口氣食咗幾粒🤤 難得呢個價位食到無苦味嘅海膽👍🏻 壽司選擇多不勝數，軍艦壽司卷物手卷幾乎想像到嘅配搭都有，剩係花之戀都有五款😲 好似呢款龍蝦沙律花之戀，面頭以龍蝦仔拌沙律醬代替往常嘅蟹籽，真係食到一隻隻嘅龍蝦仔🍤 呢間係中泰日fusion，飛天通菜、炒淮山、翠肉瓜牛柳粒，炒野夠火候，係略嫌油同濃味咗啲啲。冷盤必點嘅拌海蜇同麻辣牛脷，前者甜辣口，非常爽身彈牙；後者稔軟香口，兩碟都相當惹味。 📍 瀛豐放題料理專門店 (銅鑼灣) 銅鑼灣駱克道491-499號京都廣場10樓

#香香試伏 #防疫期無啖好食之 #是日午餐質素對唔上價錢醬汁配唔到食材😖 🙅🏻‍♀️🙅🏻‍♀️🙅🏻‍♀️🙅🏻‍♀️🙅🏻‍♀️ 午餐偏愛西餐，感覺食物比茶記輕盈無咁飽滯。 Lunch set 有沙律意粉扒餐選擇，$158-258包餐湯，餐飲要另嗌，價位偏高。是日為蕃茄忌廉湯，口感厚身稠密，茄膏味好重，無鮮茄嘅清新，味道偏酸。黑麥包鬆軟，灑上松露茸，入口帶松露香，頗為驚喜，可惜鹽加得太多，整體偏鹹，淹沒咗原本嘅麥香。鯰魚扒有兩塊，魚皮煎得香脆，但偏乾略腥；旁邊橙色醬汁近似美式燒烤醬，幾惹味，但同魚肉唔算太夾；另一種醬汁估計加咗羅勒，無咩味。沙律墊喺魚身下，菜吸收魚油後更稔身香口，醬汁反而同蔬菜更相配；水波蛋鹽落手太重，蛋白好鹹，勝在火喉恰到好處，蛋黃嘅流心爆汁口感扳回不少分數。咖啡豆果香偏重，入口偏酸，無烘焙香，唔啱我口味。環境尚算舒適，但呢個價錢對應呢個質素，應該無第三次。 🙅🏻‍♀️🙅🏻‍♀️🙅🏻‍♀️🙅🏻‍♀️🙅🏻‍♀️ #食在九龍城 #cafeceres

#香香食好西 #nearD好西 HaagenDazs又出咗新嘢😳😳 呢次個哈密瓜雪糕味fresh得嚟唔會死甜，仲有啖啖果肉，幾有咬口，無伏🤫

#香香食好西 #防疫期無啖好食之 #中上環區難得用心嘅酒吧set lunch😋 加上職員親切有禮嘅態度，忍唔住要寫返個好評推介吓～ ⚜️ 🐟煎海紅鮪魚柳 $118 充滿瑞典風味，外皮酥香薄脆，魚肉偏乾但唔散，配上加咗百香果嘅牛油汁，比一般坊間食到嘅清新香甜，有煥然一新嘅感覺🤩 伴碟以不添加糖嘅紫薯泥代替馬鈴薯，更健康有營。午餐包餐湯沙律二擇其一，另加一杯茶啡，以同區嚟講相當貼地抵食；雞胸沙律唔記得影，羅馬生菜伴沙律醋，加一片薄雞胸，輕盈開胃。 🍗水牛城雞翼用咗雞髀肉位，啖啖肉，又唔洗‘倫’骨，唔怕失儀態～味道係正宗水牛城風味，充滿tabasco嘅辣香，濃郁惹味，送酒一流👍🏻 #食在中環 #canteen #nearD好西

Related Feeds

香香食好西🥂

香香 Catherine

NL

朗朗

吳浩麟

Anthony Moneymaker

China

Hong Kong

New Territories

Tai Po District

To Kwa Peng

Wan Tsai