#香香食好西 #nearD好西 #食在元朗 呢間打冷我諗元朗人都由細食到大，亦係我同兄弟啤啤嘅不二之選。 除咗歸屬感同親切感外，喺無點加價嘅情況下食物水準仍保持到，難怪平日晚上內外都滿哂座。 潮州嘢必食滷水鵝片$120，性價比極高，大大份，至少有14至16塊厚肉鵝片； 鵝片皮肉分明，冇多餘脂肪但又唔韌👍🏻 底下用豆卜墊底，如果係嫩豆腐就更好啦。 脆炸鹹豬手 $110 同樣碟頭大，豬皮炸到脆卜卜，食落唔鹹，唔會越食越口渴； 但脂肪略嫌多咗，有啲滯。 蠔餅反而麻麻地，粉咁重，入口偏油，唔夠乾爽鬆脆； 蠔仔大粒，但數量不多，有幾粒有啲腥。 📍 正記菜館 (元朗) 元朗金輝徑28號好盛洋樓地下4號舖