自製吉野家牛肉飯4部曲🤣😻 自從上年年尾開始 我就開始戒左吉野家 知道依家都冇食過🙉一直都好鍾意食嗰度嘅牛肉飯 嗰啲牛肉汁同飯真係冇法超越🙌🏻不過既然佢都選擇左唔俾我食 咁我地就唯有自己煮啦😽上網搵一搵啲食譜先發現原來都唔係咁難整😲 👧🏻👨🏻_日式牛肉飯 🌟材料（2人份）🌟 肥牛 300g 洋蔥 1個 日式鰹魚汁醬油 4 tbsp 味醂 2 tbsp 糖 2 tsp 水 50 ml 米 1.5 嘜 * 日式鰹魚汁醬油同味醂可以話係個牛肉汁嘅精髓 千祈唔好搵其他嘢取代佢 喺aeon 一田或者其他專買日本食材嘅地方都會有得賣 🌟做法🌟 1. 開始煲飯 2. 炒香洋蔥之後再分次加入日式鰹魚汁醬油、味醂、糖同水 用中火煮大約五分鐘 3. 加入牛肉 煮至熟透（時間因肥牛厚薄而定 坊間有食譜會想將肥牛汆水 有助去除肥牛浮渣 我地冇做哩個步驟 有唔覺得牛肉汁有明顯浮渣） 4. 上碟前可以試一試牛汁嘅味道並按個人喜好調教 滿意嘅話就將煮熟咗嘅洋蔥、肥牛連同牛肉汁倒落飯面 咁就完成了🙌🏻😻 #是日晚餐 #分享生活點滴 #好煮意 #煮食日記 #食譜