#轉 #藍橘子 從七月書展延期，到暫決定十二月再舉行。相信大家仲記得，七月時各大出版社因為書展延期，叫苦連天，大喊出現倒閉潮。 當我以為出版社真係咁想舉辦書展，原來事實唔係咁 因為想得到相關資訊，我加入咗一個叫「書展關注組」嘅群組，裏面有幾十個出版社。（我唔清楚係咩出版社…） 而今日「關注組」希望發出聲明，逼會展提早決定取消書展… 係啊，你無睇錯啊，佢哋希望取消書展啊～！（完整聲明在留言） 理據係怕書展會突然取消，所以希望提早取消。 Logic好怪，但的確係咁… 我作為作者，當然希望喺安全情況下繼續舉行，對於作者來說，書展是非常珍貴嘅機會。 我提出建議，其實逼會展提早決定取消或舉行，都係毫無用處，有邊個可以預測疫情呢？ 如果十二月中疫情緩和，但主動提出書展取消，豈不是「斬腳趾避沙蟲」？！ 又如果，會展說如常舉行，但到書展前一日，疫情大爆發，唔通繼續搞？ 不過啊～關注組已經決定咗，佢哋話係個gp投票大多數贊成，所以呢份聲明將會發佈畀記者同會展。 唔知呢種算唔算係失敗者心態，我係創作者～又唔係生意人，做生意嘅嘢我識條春咩！ 學Brian 車講，唔鍾意咪Quit囉，驚蝕錢可以退出參展，無人逼你參展。不過，關注組已經幫大家發聲明去決定書展取唔取消啦～ 我提出意見之後，結果被人叫我Quit群組… 我今日體現到咩叫民主同埋攬炒精神。 即係有一部分人驚突然取消，所以希望提早決定取消。 而佢哋自己唔退展，一定要成個書展都取消… #書展 #香港書展 #書展2020 #書