歡迎讚好 Facebook專頁：西嘉生活百科 IG: live_jessway ｛步步高陞遠足徑｝ 年初三🧧兼情人節👩‍❤️‍👨，梗係要去行個大運啦🚶🏻‍♀️！今次揀左由灣仔至香港仔水塘路線。 🤨由灣仔郵局📫，姐係灣仔峽道出發，一路向上往寶雲道方向行。貫徹香港路型，呢段路係長長嘅斜路⛰，行到有啲懷疑人生😅。 好努力咁上到寶雲道，終於可以休息一下☺️。呢道有個中式小橋流水設計嘅公園，好多一家大細係度做運動🏃🏻‍♀️，傾吓偈🗣，旁邊亦有洗手間供大家使用。 😉呢個時候你可以揀行完條寶雲道，🙏🏻拜下姻緣石然後離開，又或者好似我咁繼續向上行。見到個路牌🪧往警察博物館方向，又會係一段長長嘅斜路，俾啲心機堅持住，因為有更靚嘅風景🏞等住你！ 行到咁上下，你會更到右手邊👉🏻有條分岔路，係荷蘭🇳🇱徑，沿呢條路就會經馬己仙峽道，落中區自然徑，然後係花園道完成。 我地無行呢邊，而係繼續向上嘅。千辛萬苦，終於黎到甘道遊樂場😳。呢度有童話式嘅佈置，大家可以盡情打卡，公園內有設有小食部，可以買飲品小食🍦🧃，又可以買吹泡泡。慢慢休息一輪先再起步。 甘道遊樂場隔咗有樓梯可以上警察博物館👮🏻‍♀️，不過因為疫情所以無開🙈，大家黎之前記得睇左佢個開放時間先，以免白行一趟。 🧐跟住係遊樂場隔離你會見到一大牌木牌，寫住香港仔郊野公園，無錯！係呢度入就係去香港仔水塘啦！ 之後嘅路程就相對非常輕鬆啦😇，都係落斜或者平路。行無耐就已經見到水塘，大家沿住「香港仔上水塘」，同「香港仔下水塘」行，就可以睇晒水塘面貌。佢當中仲有好多分岔路，有時間嘅都可以去探索下👍🏻。 水塘風景真係好靚😍，好容易就映到好多靚相。不過要呼籲大家，千其唔好走出去水塘邊映相甚至紮營，咁樣係唔啱架🙅🏻‍♀️！ 我地行完水塘之後，沿斜路落，十分鐘左右就出到香港仔市中心啦👏🏻！