有件屈係心度想問大家意見，話說我屋企菲傭姐姐跟咗我哋屋企8年， 一直都好地地, 我哋當佢屋企人，過時過節都坐埋一檯食飯, 佢好用心咁照顧我對仔女... 不過, 佢上年年尾開始, 佢打扮唔同哂, 買多咗靚衫, 放假噴香水同化濃妝出街...本身都只係以為佢扮靚氹自己開心,始終大家都係女人, 明既... 慢慢發現我啲護膚品同唇膏耗用快左, 都有懷疑過佢, 無出聲, 咪收好護膚品lor....點知有次比我發現佢原來有兩部手機, 同埋老公有次半夜起身發現佢唔係房. 因為我住村屋亦有裝CAM, 翻查見到佢半夜偷走出去, 就愈來愈擔心! 有質問過佢點解半夜出去, 咩都錄低到佢無得否認, 佢話鄉下cousin來香港做野, 半夜唔舒服去陪佢睇醫生, 我兩公婆梗係唔信, 但奶奶幫住佢叫佢有咩要講出來可以商量.....放過佢一次。 上星期我老公個妹過來過夜, 姑仔留低衫比我咃洗, 兩日比番袋衫佢之後收到佢 message 我話唔見咗個bar, 叫我望下有無留咗係我度, 搵勻成間又唔覺, 頭先上天台, 係個箱發現一埋好sexy既衫同內衣, 仲有我姑仔個bar... 好恐怖呀! 唔敢諗佢係咪出面.... 你地覺得我點做好?？