日本無印最近就公布即將會推出「蟋蟀仙貝」！原來昆蟲食品除咗擁有好高嘅營養價值外，製作過程產生嘅溫室氣體，同所需要嘅水同食物比普通牲畜少，所以食蟲真係可以救地球㗎！無印指蟋蟀都係喺衛生安全嘅環境中飼養，養成後再磨成粉製成米餅，仲話味道似蝦！呢款仙貝5月20日喺線上商店開始預購，遲啲亦會喺日本店出售，但未知海外店會唔會有得買，想食嘅朋友要留意住喇！