【洗街消毒，派搓手液，仲要被個無口罩廢佬剪海報】 剛剛完街站，講返一下剛才情況 1）由於有確診個案在feather ＆ bone 樓上的瑧璈（Bonhemian House），所以我要去處理。今日街上已消毒，我已經將搓手液送到瑧璈管理處，有需要的住戶可以索取。唔夠可再問我地。大廈管理公司亦已進行消毒1 同時，真係多謝 城寨 早前捐出幾百枝搓手液，以及口罩，及各樣應急物資，讓我地區居民受惠。 2） 我做做下街站，咁 Feather & Bone 個老闆就走出來撕爛我的武漢肺炎海報，都仲唔夠，再入返去拎埋把較剪出來剪我個易拉架索帶，我當然去阻止。可惜佢身型比較大，我無法阻止佢剪爛我啲野，好彩只係條索帶。 然後就比佢不斷叫我fuck off，真係個種毫無內容的就咁不斷叫我fuck off，話條街個地方係佢咁喎。我話我唔係針對佢間舖，我唔會介意同佢傾。但佢樓上真係有確診，要通知街坊。可惜佢根本唔會聽，一咪要我走，仲話會搞鳩我。所以要警察介入，我都備左案先。 爛左幾張海報同埋索帶，我無大礙。� 你生意唔好，就去嘈林鄭，嘈下點解一早唔封關啦。 廢佬無分國界，仲要唔戴口罩 *圖為feather & bone 剪我poster 的老闆，後面個位係員工，有份一齊剪。* #西營盤 #黃永志