~山河枕~ 近年我好多時睇到一半就會唔睇，例如主角性格太討厭，故事太沉悶或文筆太幼稚就唔會睇。所以基本上我會認真睇哂既書質素都唔差，尤其係依家要揾啲正常既男女主角人設都真係幾難...... 呢個作者文筆真係幾唔錯，喺佢筆下既人物性格相當鮮明，唔會過於誇張失色。就算係書中既反派角色，亦並非完完全全的壞人，可恨之人亦有可憐之處，只因喺嗰個時勢下，佢哋冇得簡。 感情方面，男女主角係日久生情，過程中佢哋慢慢相知相惜，所有野都一步一步嚟，感情在不知不覺間建立，你會睇住每個角色慢慢成長，如同你伴著他們成長一樣。 情節方面，女主角帶住前一世既記憶回到未嫁前，而個男主角係佢丈夫既弟弟。重生類型既小說好多，但大部分都好普通，唔係復仇就係金手指大開，千篇一律。但呢本唔會，女主角並冇因為重生而打算去復仇任何人，佢只係想活得更好，真真正正做自己。另外，呢本書比較多打仗場面，描述得幾真實，部分情節亦相當感人，不過個人認為推翻2次政權呢個設定有啲兒戲，但仍可以接受。 簡單而言，呢本係一本好書。其中部分情節比較沉重，睇一次夠了。 ====================================== 她忍不住揚起笑容，將心中話脫口而出：“衛韞，”她揚聲開口，仿若少年那口無遮攔的模樣：“等以後天下太平，我嫁你行不行？” 　　周邊人聲喧鬧，衛韞猛地隔住一劍，他擡起眼皮，神色淡定裏帶了幾分傲氣。 　　“行。” 　　說着，他一腳踹開前方，帶着她沖出城門：“我就為你，打下這天下，求得它太平。” ====================================== 推薦程度: 09/10 #山河枕 #小說推介