軼事一則 今朝搭車返工，巴士去到某個有K 巴服務嘅屋邨，好多中學生落車，排隊乘客上車之際，有個初中男生返轉頭跑返上車，同司機講要上上層搵返件失物，司機亦批准。 有兩個隊頭既老人家，異口同聲指住個細路打尖，其中一個仲捉住佢件冷衫，呢一刻，我好大聲講左句，個細路係啱啱落車，佢搵返件失物咋，佢兩個先放手。 最後，喺度讚一讚，司機好好人等個細路搵返件「失物」先開車。有乘客細細聲講左句：「你兩個老人趕住去攞死亡證咩？」 有啲人，想喺社會上有人尊重你，唔想人稱呼你哋做「廢老」，平日你哋表現又如何？