土瓜灣28M小巴溫馨事一則 下午3點幾總站上28M，去到天光道站，一名小學生上車，太怱忙冇攞八達通，即刻撲返落車問疑似外婆搵返八達通，擾攘左半分鐘，司機大聲問一句「得未？」（純粹係男人粗聲粗氣唔係惡），小朋友又剛剛搵到飛撲上車，上車坐司機位後面，連講三次「唔該司機」好有禮貌！ 司機邊開車邊播歌又邊和唱，唱完一首司機回頭問小學生「邊個站落車？」 小學生回答先達落車； 司機答收到； 小學生回應「唔該司機」； 司機話唔使咁客氣； 小學生接著輕輕聲說「你唱歌好好聽..」 司機即刻冧爆，全程繼續又唱又間中同小學生閒聊，呢車程氣氛好好☺️ 小學生家教好好，好斯文有禮！