為何一個來自備受質疑的民主黨議員會深得民心？「回頭望返611真係呢件事嘅分水嶺，原來民選嘅議員係可以咁樣去做一啲工作。」6月11日晚，金鐘站出現警員無理搜身，攔截一班年輕人要求他們一字排開，「咁原本警方嘅搜身一路做落去係可以起到阻嚇，打散到大家嗰個凝聚。」於是鄺俊宇拿著《警隊條例》於金鐘四處游走，要求警方按通例行事，「傻傻瓜瓜咁兩個人就走勻成個金鐘，通左一晚頂，目標係邊度有混亂、邊度有對峙我哋就過去解圍，咁結果就係第二日朝頭早好戲劇性咁，你真係包圍咗成個立法會嘅建築物，嗰票曾經會影響整個香港命運嘅嗰一票，就係因為學生嘅努力、市民嘅努力成功堵截係歷史嘅外邊。」 訪問中，鄺仔講了不下十次的「感激手足」，很感激這得來不易的信任，「嗰一晚(611晚)之後，我哋係同所有嘅手足共過患難，大家想像下如果唔係有611嗰晚大家嘅堅持，根本就係冇可能係嗰朝早嘅11點半鐘就宣佈個會議係開唔到，亦都係聽到呢個消息，我放鬆先夠膽暈一暈，我唔係暈到昏迷㗎，我係暈一暈啫。」他輕描淡寫地說暈倒一事，卻不知當時令在場人士多麼的緊張。 #HK01 #鄺俊宇 #鄺仔 #區選2019 #元朗區 #元朗 #北朗 #鄺俊宇