由英國一年一度主辦嘅「國際蛋糕比賽」，今年由11月1日至11月3日於Marston Green舉行。今屆有港人以抗爭主題製作蛋糕參賽，有強國參賽者因而不滿，指蛋糕主題涉及港獨內容而向大會投訴，最終大會取消該名香港參賽者資格。 據當事人所指，事後大會以電郵回應，指由於蛋糕主題內容上涉及冒犯成份，因而惹嚟其他參賽者嘅投訴，所以決定取消其比賽資格。 港人參賽者事後於IG表示，即使結果不能盡如人意，但仍然會堅持做返自己，會用多一口氣話畀大會知佢哋做錯咗。 今次係繼聰哥被暴雪遊戲公司DQ後，再有香港人因將抗爭內容帶入比賽而損失參賽資格。兩位都一樣嘗試用自己嘅方式為香港發聲，一樣遭到打壓，而一樣冇後悔過。 原圖來源：3rdspace_hk, 翻糖師陳瑤／微博 #100毛