三訪台式小店啦!今次有新推出嘅脆炸鮮奶卷·古早芋泥二文治及特濃芝士奶蓋芋頭鮮奶,兩款都必試。宜家只要係星期一至六2:30pm後Follow @1.01_ig 就有9折優惠 先嚟食呢款新推出小食,即叫即炸嘅 [ 脆炸鮮奶卷·古早芋泥二文治 $48 ] 脆炸鮮奶卷,三條都炸到金黃色,食落口感酥脆,入面軟滑,香濃奶香味;古早芋泥二文字,外層用鬆脆嘅餅乾,甜甜嘅味道,夾住中間細滑軟糯嘅芋泥,真係食到停唔到口 再嚟就係 [ 台北夜市小食拼盤 $39 ] 有三款小食,包括台灣腸:加咗蜜糖嘅香脆台灣腸、花枝丸:爽口彈牙嘅花枝丸、鹽酥雞:口感酥脆嘅鹽酥雞。仲有 [ 花雕雞翼 - 3隻 $28 ] 香濃花雕味,滲入雞肉內,雞肉口感爽彈,肉質嫩滑 食住小食等飲品,必推 [ 全手作芋頭鮮奶 $24 ] 另外 +$8 特濃芝士奶蓋,厚厚嘅奶蓋,口感香濃又滑,軟綿綿嘅芋泥係最底,中間係香濃嘅鮮奶,三樣加埋一齊食真係又香又滑,味道唔甜,超like。[ 珍珠豆奶 (大) $21 ] 口感綿滑,味道又唔甜,好好飲,珍珠夠煙韌 叫咗一份 [ 蜜汁紫菜排骨飯 $60 ] 每件都好厚肉又大件嘅酥炸排骨,份量滿滿,甜甜口感嘅蜜汁,醃得夠哂入味,食落口感超酥脆,紫菜撈飯好味道,一份嘅份量夠哂2個人食 最後仲叫咗份 [ 邪惡蛋之戀 - 芋泥肉鬆脆皮蛋餅 $39 ] 第一眼就見到滿滿綿綿密密嘅芋泥,混合埋肉鬆及蛋,餅皮夠薄,食落口感豐富有層次,真係夠哂邪惡,芋泥控必點 餐廳:壹.01 地點:觀塘駿業街56號中海日升中心2樓D號舖 電話:53697868 #壹01 #壹01台式料理 #三訪 #芋泥控 #蛋餅 #觀塘美食 #台式料理 #台灣菜 #觀塘 #觀塘好去處 #文青 #外賣 #堂食 #相機食先 #手機食先 #香港探店 #香港美食 #美食

Related Feeds

用猩猩頭做餐廳標誌,天花板仲掛住好多隻好得意嘅猴子(公仔),餐廳環境舒服,座位夠闊落 餐牌上款款美食都好吸引,我就揀咗【猩猩迷宮 $198】木製九宮格嘅全日早餐,每一格嘅小碟圖案都好靚。九宮格分別放有紅菜頭蕃薯沙律:紅菜頭蓉撈埋蕃薯,咬到粒粒蕃薯,食落味道清甜 (唔怕有紅菜頭個陣草青味)、牛油果沙律:帶點檸檬味、軟滑好味,呢兩款都係健康嘅組合、牛角包:香口酥脆、大啡菇:原汁原味,夠哂 juicy、菠菜:新鮮嫩菠菜,味道微咸,咬落爽脆、黑松露炒滑蛋:香濃黑松露味,炒蛋好滑、大番茄、煙三文魚配蟹籽及直布羅陀腸:煎香兩邊,味道食落咸咸地 加 $38 主食套餐優惠,可以配 "是日餐湯 / 田園沙律 / 熱飲自選 / 凍飲自選",4選2。我就揀咗是日餐湯及熱飲,當日餐湯係【南瓜湯】飲落香滑又creamy;飲品就揀咗【秋冬滋潤之選 - 養生薏米水 (單點 $28)】自家煲嘅養生薏米水,甜度適中,飲落清甜滋潤 再叫個款小食【炸雞翼配蜜糖芥末汁 5件 $68】外層炸得香炸,內裡肉質嫩滑,配蜜糖芥末汁,香甜好味 (5隻都唔夠喉) 最後就叫埋【CHIMPZ 法式焦糖燉蛋 $68】甜品要預早叫,因為製作時間要15-20分鐘,焦糖皮甜甜又脆卜卜,燉蛋真係超滑 (好想叫多碗) 呢餐超滿意,食物好有水準,下次要帶朋友一齊嚟食過 CHIMPZ 銅鑼灣渣甸坊30-36號利發大廈地下樓5號舖 #CHIMPZ #CHIMPZHK #銅鑼灣美食 #CausewayBay #cwb #九宮格 #食好西 #hkfood #foodblogger #foodie #foodies #hkfoodies #hkfoodieblogger #happyhappy◽️ #bloggers #hkbloggers #influenspace #bloggerlife #yummyfood

夜媽媽收工肚仔餓,又好想掃街食嘢,朋友帶我去大圍食佢中學時期成日都去食嘅店舖,人來人往,多人圍住食店,仲有人排隊等買添。友人話佢哋嘅秘製辣汁超正,唔食辣嘅都一定要試。睇完有咩樣想食,就即同店員落單,兩個人每款都叫啲,都叫咗好多樣 必食 [ 串燒豬頸肉 2串 ] 及 [ 串燒魷魚串 ] 即叫即燒,味粉仲有好幾款比你揀,我哋就揀咗咖哩粉及孜然粉,好香燒烤味,邊邊位燒得好香脆,食落肉質嫩滑又多汁;魷魚口感煙韌有咬口,夠哂入味,兩樣都係咁好味 叫咗碗大碗嘅 [ 油渣麵 ] ,湯同麵分開放好,攞到返屋企湯底仲係熱辣辣。份量好多嘅豬油渣炸得好香脆,食落唔油膩,清湯湯底,再加埋辣菜莆一齊食,又辣又惹味 再叫咗碗兩溝,大大碗,勁足料嘅 [ 魚肉翅 ] 勁多條粗粗嘅魚肉,食落口感彈牙,每一啖都食到冬菇及木耳,翅底濃稠適中,落埋醋一齊食就更正 仲叫多碗 [ 韭菜豬紅豬腸 ] ,份量好多嘅韭菜,新鮮嫩綠、豬腸份量多,洗得乾淨,肥瘦均勻,口感爽脆,加埋豬紅更滿足 熱辣辣又炸得香脆嘅 [ 炸大腸 ] 食兩串真係唔夠喉,炸得香脆又唔會太乾,食之前要唧埋甜醬及芥末,就更加惹味。[ 牛柏葉 ] 口感爽爽脆脆、[ 水魷 ] 及 [ 墨魚 ] 彈牙口感 超抵食嘅 [ 煎釀三寶 ] ,每款都好吸引,除咗常見嘅紅腸、魚蛋、勁大塊雲吞、茄子、青椒,仲有原隻虎皮青椒、西蘭花、冬菇,辣餃子,每款都大大件,新鮮炸起,熱辣辣好好味,釀埋魚肉,令口感食落更彈牙及 juicy 燒賣魚蛋簡直係絕配,有魚味嘅 [ 燒賣 ] 食落煙韌,爽口彈牙,配埋秘製辣汁更美味;食落有淡淡陳皮味嘅 [ 陳皮魚蛋 ] 細細粒,口感彈牙 大圍小食 大圍富嘉花園22號地舖 #taiwaisnacks #大圍小食 #大圍美食 #大圍 #掃街 #香港小食 #外賣 #街頭小食 #foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食 #hkig #ighk #foodies #hkfoodies #foodblog #hkfoodieblogger #hkfoodshare #foodporn #instafood

原來長沙灣都有間好味又抵食嘅居酒屋,今日同朋友一齊去食,店內裝修日式風格,好多不同日式布置及清酒樽擺設;再睇埋好多款日式美食嘅餐牌,真係吸引我嘅眼球 首先叫番個小食先【燒鱈魚干 $48】焗得夠香脆好味,仲可以點沙律醬一齊食;帶有辛辣味嘅【明太子雞翼 (2隻) $58】外皮香脆,肉質嫩滑,明太子做夾心,正 串燒係即叫即燒嘅【醬油燒年糕 (2件) $48】咬落去熱辣辣,內裡煙煙韌韌,真係必食之選;再嚟2串燒得好香嘅【鹽燒雞脾菇 $38】口感熱辣辣 去居酒屋食晚餐,當然要嗌埋壽司,就揀咗【三文魚壽司 (2件) $38】鮮甜厚切美味;【海膽壽司 (1件) $38】新鮮海膽,味道一流;【帶子壽司 (2件) $58】鮮甜肥美;【芝士蟹柳火灸壽司 $38】燒溶咗嘅芝士舖上蟹柳;【玉子壽司 (2件) $28】甜甜厚身玉子,蛋香嫩滑;頂層有大量蟹籽嘅【加州反卷 $68】口感夠哂豐富,好味夠飽 今晚晚餐,兩個人都係食咗五百蚊到,款式選擇多又抵食,滿足又飽肚 味道樂居酒屋 (元州街) 長沙灣元州街498號青華閣地下C舖

平靚正之生活日常用品/食品/餐廳

平靚正生活日常用品 上網就買到 Happy share Facebook 及IG 不定期有Giveaway 歡迎Follow, please🥰 FB:facebook.com/sukipeiyy IG:instagram.com/sukisukiy

平靚正之生活日常用品/食品/餐廳

KK

36 Followers

311 Followings

0 feeds

KK

琳濯Suki

3584 Followers

7 Followings

770 feeds

琳濯Suki

Diapers

0 Followers

19 Followings

0 feeds

Diapers

elijah

0 Followers

18 Followings

0 feeds

elijah

Hong Kong

Hong Kong Island

Wan Chai District

Wan Chai District

Causeway Bay

Central District

Caroline Hill

Hennessy Road

South China Sea Islands (disputed)

Causeway Bay Station