原來長沙灣都有間好味又抵食嘅居酒屋,今日同朋友一齊去食,店內裝修日式風格,好多不同日式布置及清酒樽擺設;再睇埋好多款日式美食嘅餐牌,真係吸引我嘅眼球 首先叫番個小食先【燒鱈魚干 $48】焗得夠香脆好味,仲可以點沙律醬一齊食;帶有辛辣味嘅【明太子雞翼 (2隻) $58】外皮香脆,肉質嫩滑,明太子做夾心,正 串燒係即叫即燒嘅【醬油燒年糕 (2件) $48】咬落去熱辣辣,內裡煙煙韌韌,真係必食之選;再嚟2串燒得好香嘅【鹽燒雞脾菇 $38】口感熱辣辣 去居酒屋食晚餐,當然要嗌埋壽司,就揀咗【三文魚壽司 (2件) $38】鮮甜厚切美味;【海膽壽司 (1件) $38】新鮮海膽,味道一流;【帶子壽司 (2件) $58】鮮甜肥美;【芝士蟹柳火灸壽司 $38】燒溶咗嘅芝士舖上蟹柳;【玉子壽司 (2件) $28】甜甜厚身玉子,蛋香嫩滑;頂層有大量蟹籽嘅【加州反卷 $68】口感夠哂豐富,好味夠飽 今晚晚餐,兩個人都係食咗五百蚊到,款式選擇多又抵食,滿足又飽肚 味道樂居酒屋 (元州街) 長沙灣元州街498號青華閣地下C舖

Related Feeds

日做夜做,應該要對自己好啲,養顏補身好重要,一個月食一次都唔過份呀。前幾日同朋友去咗位於觀塘嘅即食燉品專門店,佢哋每日鮮製,品質非常高,多款燉品任你選擇,可選燕窩、桃膠、雪燕、雪蓮子同花膠,打開蓋就食得夠哂方便,熱食或凍食,可以堂食、外賣或送貨上門都得 呢款真材實料嘅 [ 椰皇竹笙烏雞燉花膠湯 ] 有兩款 size $380/700ml / $460/1060ml ] 外賣花膠燉湯為凍,啫哩狀態,要攞回家加熱後先飲得。呢個湯夠哂滋潤,飲落極之清甜,又唔會油,帶有香濃椰皇香味,用烏雞燉湯、加入花膠、竹笙等配料,十分足料,厚肉花膠口感滑嫩,必食推薦 真空包裝包好嘅 [ 蒜香花膠 $108 ] 原包放入滾水,用細火翻熱8分鐘就可以倒出嚟食。蒜香夠哂惹味,花膠厚身,份量又多,食落口感夠腍又夠滑,醬汁夠哂濃郁,撈埋飯或撈麵食都好正,呢款係唔辣,鍾意食辣嘅朋友可以揀麻辣花膠 甜蜜の選就揀咗四款 揀咗兩款糖水都加咗蜂蜜,一款係 [ 蜂蜜3.6牛奶木瓜燉桃膠 $48 ] 3.6牛奶順滑,木瓜香甜,桃膠份量多,口感煙韌,養顏滋潤。另一款係 [ 蜂蜜菊花妃子燉桃膠 $48 ] 菊花味道清甜,仲加入咗杞子,加入份量好多嘅桃膠,口感豐富,味道適中,唔會甜 食得出一絲絲嘅雪燕嘅 [ 招牌椰汁燉雪燕 $58 ] 香濃椰汁味,每一口都食到啖啖雪燕,超足料,口感豐富。最後叫埋個 [ 北海道3.6牛奶燉蛋白 $18 ] 3.6牛奶味超濃厚,甜度適中,口感超級滑嫩 下次要再去買埋其他唔同款式嘅甜品,款式太多,每款都好想食 啖啖燕窩 觀塘駿業街60號駿運工業大廈1樓B1室 #啖啖燕窩 #damdambirdnest #養顏補身 #啖啖燕窩 #燉品專門店 #駿業街 #特色燉品 #燕窩 #桃膠 #花膠 #雪燕 #雪蓮子 #觀塘 #觀塘美食 #相機食先 #手機食先 #香港美食 #美食 #foodie #food #foodpic #foodphoto #yum #hkfood #hkig #ighk #instalike #foodies #hkfoodies #foodblog

口痕可以食咩好,又唔想出去食,當然係屋企食就最好,前排係【Urban mart】訂咗幾款小食,早餐 / 下午茶 / 宵夜時分都食得 今次就介紹咗呢款小食先 「韓國Kpride 泡菜自然豬肉腸」每包有4條 - 240g 含有82%韓國自然豬肉,外層脆薄嘅腸衣包著鮮嫩多汁嘅韓國自然豬肉餡,每一口咬落都唧哂啲汁出嚟,再配上傳統韓國泡菜風味嘅酸辣口感,食落口感超豐富,真係好食到停唔到口 K-pride採用咗自家獨門生產技術精心製造出美味多汁嘅香腸,同時擁有自家豬肉供應鏈,可追溯源頭,確保豬隻嘅健康及衛生,保證食得安心 呢款泡菜自然豬肉腸適合烤焗、燒烤及香煎,我最鍾意就係香煎,煎到外層香脆,內裡肉質夠哂Juicy 依家係Urban mart 仲做緊85折優惠 購買連結: myurbanmart.com/韓國Kpride 泡菜自然豬肉腸?search=韓國Kpride 泡菜自然豬肉腸 記得要入埋專屬優惠碼【UMK_SUKI】就再有95折優惠,買滿$500 仲可以免費送貨 IG @myurbanmart #myurbanmart #安品生活 #UM #安品教煮 #食得有營 #有營煮意 #foodiehk #hkfoodie #hkfoodielife #hkfoodblogger

山長水遠入到嚟三聖村,就係因為上次朋友介紹我要入去棠記食海鮮,佢哋啲海鮮新鮮大件又抵食。超多人嚟食海鮮,去到時已滿座,仲要等位 必食推介 [ 菠蘿咕嚕肉 ] 面頭燒一燒厚厚新鮮菠蘿,表面焦香,味道酸甜好味,夠哂開胃,咕嚕肉粒醬唔太厚,食落口感香脆,肉質嫩滑,肥瘦適中,個汁用嚟撈飯就最正 再嚟就係 [ 脆皮鮑魚 ] 兩隻大大隻鮑魚,外層脆卜卜,鮑魚咬落去啖啖肉,肉質嫩滑彈牙,仲好厚肉,鮮甜好味 呢種煮法好特別,連朋友都話好少見到 [ 芝士脆皮龍蝦 ] 面頭個層用咗炸醬芝士,咸咸香香,食落夠香脆;好大隻嘅龍蝦,肉質鮮甜,咬落爽口彈牙,食到LamLam脷 除咗食海鮮,當然要叫番碟菜先夠喉,叫咗碟 [ 腐乳炒通菜 ] 用腐乳炒通菜特別惹味,通菜炒得爽口,份量仲好多 食海鮮就要配番罐涼透心嘅 [ 汽水 ] 可樂及忌廉 (題外話:應該叫雪碧🤭叫錯咗添) 棠記海鮮小廚 屯門三聖村豐漁樓地下10-11號 #棠記海鮮小廚 #棠記 #海鮮 #seafood #三聖村 #三聖海鮮 #屯門 #屯門美食 #小廚 #中菜推介 #海鮮餐廳推介 #hkfood #foodblogger #foodie #foodies #hkfoodies #hkfoodieblogger #hkfoodshare #foodporn #instafood #instalike #hkig #hkfoodporn #852 #852hk #foodblog #bloggers #hkbloggers #相機食先

平靚正之生活日常用品/食品/餐廳

平靚正生活日常用品 上網就買到 Happy share Facebook 及IG 不定期有Giveaway 歡迎Follow, please🥰 FB:facebook.com/sukipeiyy IG:instagram.com/sukisukiy

平靚正之生活日常用品/食品/餐廳

KK

36 Followers

310 Followings

0 feeds

KK

琳濯Suki

3583 Followers

7 Followings

774 feeds

琳濯Suki

津津

26 Followers

12 Followings

6 feeds

津津

Hong Kong

Hong Kong Island

Wan Chai District

Wan Chai District

Causeway Bay

Central District

Caroline Hill

Hennessy Road

South China Sea Islands (disputed)

Causeway Bay Station