香港朗廷酒店於今個復活節創作一系列吸睛的復活節節日美點、主題糕餅外賣、適合一家大小的豐盛早午餐，以及節日住宿套餐。「繽紛復活巡禮」住宿套餐由4月3日至5日，適合一家大小共聚天倫。套餐包括兩道菜午餐、甜點自助餐和自助早餐；客人可額外獲得免費「朱古力復活籃」和參與復活節彩蛋遊戲，贏取豐富禮物。小朋友更可參加免費酒店活動，包括裝飾復活蛋，以及兒童面部彩繪。 套餐由港幣$1,688起，包括內園景高級客房住宿一晚、雙人廷廊兩道菜午餐及甜點自助餐、雙人自助早餐。復活節活動有彩蛋遊戲、裝飾復活蛋和兒童面部彩繪等。 朗廷酒店 地址：尖沙咀北京道8號 電話：2375 1133 私心推介：朗廷酒店真心服務房間各樣野都唔錯！ #朗廷酒店 #酒店 #本地遊 #港旅 #Staycation #酒店優惠
#網友投稿 酒店： #如心海景酒店暨會議中心 位置好、價錢好、環境好、服務好、風景最好，員工親善有禮，交通方便，鄰近多個商場shopping 食飯都很好。住60幾樓窗外景色很好讓人心曠神怡，每天早上出門遇見的清潔大姊都會熱情問候早安， 姐姐好有禮貌 執房速度快！ 評分：3.5/5 小妹都有住過呢間酒店，上次姊妹出嫁都係喺呢度住。個人覺得窗外景色一流，不過衛生情況就不敢恭維。住過兩次都見到有小強… #酒店 #爆房 #荃灣 #酒店評價
武漢肺炎疫情下，「Staycation（又稱為宅渡假）」盛行，越來越多港人租住本地酒店渡假。香港酒店工會在其facebook專頁上載一段約1分鐘的短片，拍攝一間酒店房間於客人使用後的情況。片段中可見，整間房地下滿佈雜物及垃圾，放滿酒樽，電視牆身似有白色泡沫，疑是忌廉狀物體，電視螢幕及窗簾亦被弄髒，房間牆身貼有「HAPPY BIRTHDAY」字樣的氣球，房間桌上亦留下大量食物殘渣。 該貼文稱「網上流傳酒店房間使用情況惡劣」，呼籲顧客盡量保持酒店房間清潔，若衞生情況太惡劣，酒店有機會追收高昂清潔費用。不少人留言及感到驚訝，有人表示該處屬尖沙嘴半島酒店，有人亦指太「離譜」，酒店方面應將客人列入黑名單及追收清潔費用。半島酒店回覆《蘋果》證實事件。 片段: hk.appledaily.com/local/20200914/JVVDAJPXNRCDDNZRVXQQFRBIUQ/?utm_campaign=hkad_social_hk.nextmedia&utm_medium=social&utm_source=facebook&utm_content=link_post&fbclid=IwAR1JA4VtbX8_NgWEAgXYf5u07Xz82Z0jMNhwL89DHdntt5RY83NheMB4k7o 真係超級過份, 仲要係一間五星級酒店, 又唔係藍酒店,拜托可唔可以有返啲公德心? 玩到咁樣. 扣你按金酒店都起碼要蝕一晚錢. 仲要浪費唔少housekeeping人力去做清潔. #酒店 #爆房 #半島酒店 #hotel #staycation
Hi 爆房 Buddies ✋🏻 又係我房事達人啊 🙈 今次小妹出久違了嘅酒店介紹 😃 希望幫到想爆房嘅Buddies們喇 🥳 酒店：旺角智選假日酒店 智選假日酒店即係Holiday Inn，聽個名都知有啲名氣啦，講少少背景先。其實Holiday Inn係洲際酒店集團旗下嘅一個品牌，全世界有多達1,300嘅分酒店。而呢個旗下品牌主打係商務旅遊，即係For商務旅客啦，當然你唔係商務都得嘅。🤣🤣 小妹因為都幾鍾意呢個品牌，所以加入左洲際酒店集團IHG嘅會籍，有咩用呢？其實一般都係可以Early Check in & Late Check out，Welcome Drink，Upgrade之類。不過個人認為Holiday Inn呢個品牌嘅酒店相對較為樸素，Upgrade房間都未必有咩驚喜。🤣🤣🤣啊！講多樣先，因為係主打商務旅客，所以訂佢哋酒店嘅時候，一般(我淨係知香港)都一定包埋早餐，唔使加錢。 好喇，講完背景，就講下入住體驗。呢間酒店係位於旺角登打士街1號，坦白講，位置唔太方便，因為你由最近嘅旺角地鐵站行過去都至少要8分鐘，行去彌敦道排巴士站都要至少5分鐘，因為旺角啲內街多車多燈位多人，所以行過去段路都幾麻煩，夏天的話可能會有啲躁底添。🤣不過都算係靜中帶旺嘅，去旺角油麻地行街街嘅話，起碼唔使搭車，而且位置處於渡船街則邊，嗰邊人少少，又無咁多大廈，私隱度高。 房間方面，好簡約，基本要用嘅洗漱用品有，如果想再額外嘅可以Request，免費有的。有雪櫃，有鬧鐘，有部比較細嘅電視機，床就大約1.5-1.7米。小妹住過香港4間唔同嘅Holiday Inn，旺角呢間嘅床褥最舒服！而且佢兩邊放咗唔同款枕頭，分咗「軟」同「硬」，大家有得揀。🙈🙈其實除咗枕頭之外，佢哋連牙刷都可以揀「軟毛」同「硬毛」，大集團就係有呢種細心？🙈🙈廁所就乾溼分離，而且空間都幾大，幾舒服。呢間酒店房唯一有一樣嘢我係覺得差嘅，就係冷氣，唔知點解硬係有啲房啲冷氣好鬼凍，有啲又完全唔涼。夏天嘅時間真係唔得佢燶。 至於其他設計，冇游泳池，如果想游水嘅話，麻煩Book隔離嗰間希爾頓。不過因為商務酒店呢，就會有洗衣房，你可以自己帶衫去洗，不過都幾貴，問過佢哋，洗衫40蚊一次，乾衫又40蚊一次，嗯，我手洗算。😰 啱先提過，Holiday Inn會包早餐嘅，想食豐富早餐嘅朋友留意了！小妹個人認為香港三大間Holiday Inn嘅早餐水平都參差， 旺角：不是自助，有六款選擇，比較普通。 將軍澳：自助，不過食物種類少，而且唔好食。 觀塘CBD2：自助，好食！多嘢揀！正！ 以上，就係小妹嘅酒店介紹分享啦，有咩可以直接問我或者去我群組的聊天室問我。利申：我唔係做酒店行業，亦不是打手，我係一個純愛好者酒店嘅女仔。 #酒店 #爆房 #Staycation #Sexcation #酒店介紹 #酒店推介 #旺角 #旺角酒店 #HolidayInn #洲際酒店 #本地遊 #localtravel #旺角智選假日酒店 #早餐
房事達人是也😚！想睇酒店介紹、酒店優惠、酒店評價等資訊，立即加入世界爆房酒店攻略群組！🤩
109 Followers
13 Followings
527 feeds
:background_color(white)/https://avatar-storage.neard.com/5f2644a4b5806d52bd819f4d9c85f32a.20200715160207.1594828927.6337.jpeg)
20 Followers
0 Followings
64 feeds
:background_color(white)/https://avatar-storage.neard.com/88f8736f2964c0264ec28eba26431811.20190327123259.1553689979.5142.jpeg)
1 Followers
1 Followings
3 feeds
:background_color(white)/https://avatar-storage.neard.com/profile_avatar_illustration-03.png){kind=avatar}
27 Followers
0 Followings
240 feeds
:background_color(white)/https://avatar-storage.neard.com/0b99714d06bb19c5ae1e18c50244c18d.jpg)
5 Followers
0 Followings
16 feeds
:background_color(white)/https://avatar-storage.neard.com/7a93eeae5613d4540879ae087dac0edd.jpg)
/https://static.neard.com/images/app/district-covers/hk/%E8%91%B5%E9%9D%92%E5%8D%80.jpg)
/https://static.neard.com/images/app/district-covers/hk/%E8%8D%83%E7%81%A3%E5%8D%80.jpg)