~逸東軒~ Book咗枱同媽咪去食飯，我哋一共叫咗5款點心同埋一份商務套餐(一位用)，結果當然食唔哂🤣，要打包走，埋單600蚊，以酒店價格嚟講，我覺得合理🤪。整體用餐體驗唔錯，下面簡單同大家介紹下~ ✅ : 1️⃣京蔥和牛酥餅 真係必叫，非常好食😍。肉汁好多，皮夠薄夠酥脆，一咬開勁多餡，媽咪食完大讚。 2️⃣酥皮叉燒焗餐包 雖然叉燒份量唔多，但都好值得叫嚟食，佢個包好漲卜卜，個皮做到好鬆化😚，新鮮熱辣好好食。 3️⃣春風得意脆皮腸粉 佢係一層腸粉皮包住蝦春卷，第一次見呢個配搭，又幾唔錯😝，外軟內脆。 4️⃣話梅車厘茄 呢個真係不得了😍，好特別，食落酸酸甜甜，話梅味好濃，超開胃，3粒唔夠食，如果佢有一碟叫，我一定要叫一碟，超好食! ❌ : 1️⃣ 豉汁煎鳳爪 呢個真心唔掂😨，係我食過最差既豉汁蒸鳳爪。一上嚟隻色望落都唔掂，唔夠上色。食落有陣雪味，味道都唔夠，又唔夠淋，我哋食咗一條已經唔想再食🙃，希望佢會改進下。 其他野我哋覺得都唔差，不過冇咩大驚喜，商務餐正常水準發揮，希望快d開返晚巿堂食😭，想試下佢夜晚啲小菜~ 味道👍 ：08/10 CP值💰：08/10 環境🍽 ：07/10 #逸東軒 #逸東酒店 #yattungheen #eatonhotel #foodloversdiary #neard好西 #佐敦 #佐敦美食