口裡說不….…😆 #復必泰 #觀塘 #科興 #科興疫苗 #新冠疫苗 觀塘復必泰接種中心下午現人龍　排隊長者：有得揀會打科興 BioNTech／復星的「復必泰」疫苗今日（10 日）起開放予優先群組預約接種。觀塘曉光街體育館外，下午時分有約 60 名市民排隊打針，大部分為年長人士，大約要排 20 分鐘。中心有職員為市民量度體溫、核對預約資料，並指示以安心出行，或紙筆登記資料。有多名排隊的長者都向《立場》記者表示，只因為預約不到科興疫苗才來打復必泰。 60 歲的楊先生說，打完疫苗個人「安心啲」，又認為復必泰「效力高啲」，感覺較好。被問到為何不選擇科興疫苗，他指留意到近日有打科興後死亡個案，「佢（科興）對老人家個安全性 ... 咁而家發生啲事（死亡個案），雖然係少，但都有啲關係。」他指，不認為打疫苗與死亡有直接關係，打哪隻疫苗都是個人選擇，但自己就一早已決定打復必泰，又說「袁國勇都揀呢隻，應該信心大啲。」 市民：中國人打科興、體質適合啲 62 歲的張先生則指，是因為預約不到科興，才來打復必泰，「講真，我寧願打科興，唔想打復必泰，（約唔到）無辦法。」他承認，自己並不清楚哪隻疫苗更好，「只不過，我覺得我哋中國人打返呢啲疫苗（科興），個體質應該適合啲。」 蔡先生今日陪太太來曉光街打疫苗，二人均年逾 60 歲，諮詢過醫生後認為身體狀況合適。蔡先生解釋，選復必泰因「保護比較強」，太太近日想到加拿大探親，但又說「其實兩隻無乜所謂」，只是考慮到保護率。問到近日打疫苗後死亡個案會否影響信心，蔡太指，「打流感針都會有人唔舒服，無人報（道）啫，死唔死人都係睇身體反應，唔可以一概而論。」她又認為，從整體而言，疫苗效益始終大於風險，「救到十萬人，只係傷亡 100 人，無辦法。」 65 歲的 William 指，打完針心情無特別，亦沒有不適，「好似乜都無做到，無感覺。」他指預約復必泰，因之前預約不到科興，「打科興都無問題」。他說近日打完科興後的死亡個案，未必跟疫苗有關係，「復必泰都係啱啱先打咋嘛，唔知有無呢啲（死亡個案）。」 年逾 60 歲的楊先生說，曾嘗試預約科興兩次，但都「爆棚」，於是轉打復必泰，因為想「即刻打」，認為如今打了復必泰「反而仲好」，因為在國外評價較好。不過他認為，近日的打疫苗後死亡個案「好多都唔關科興事」，如果當初有得打「都會選擇科興」，因為對自己身體有信心。