【歷年最嚴重赤字 仲倒錢落海？】 財爺餐飯今日終於煮完啦！公佈最新一份財政預算案，點知味味餸都煮燶晒！ 本年度財赤創歷年新高，達2576億，預計未來四年都仲會有赤字！但呢味值成超過6240億嘅「明日大嶼」政府仲堅持塞畀我哋食，香港有成1500公頃棕地，積極善用佢嚟紓緩房屋問題仲好啦！ 另一道餸「氣候政策」就明顯唔足料，得11.5億添置小型可再生能源及節能裝置，根本難以應對氣候問題。 錢要用喺啱嘅地方，政府應該要增撥資源放喺實施進取嘅氣候政策，至於呢碟貴夾唔好食嘅「明日大嶼」，香港人真係食唔落㗎啦，快啲收返埋佢啦！ #財赤創新高 #財政預算案 #堅守大嶼 #善用棕地 #氣候危機 #明日大嶼