TripGuideHK成立一週年喇🥳，謝謝呢一年遇到嘅每一個你❤️ 「出街」嘅宗旨就係為咗解決出街去邊度嘅煩惱，所以2020年開始就紀錄自己喺香港周圍行嘅發現，希望有人會睇到依啲新奇有趣嘅地方同事而有啟發，幫到你決定到去邊度玩。內容構思有兩部分，1️⃣遊Guide2️⃣點遊，前者係將一個區域內可去嘅地方串埋一齊，幫用家預先計劃行程，只要跟住行就可以。後者係我哋去完一個地方後嘅感想同地方背景，算係幫用家出發之前想功課嘅筆記。📝 喺2020年，本來都有各種地方或計劃想去試，但撞正武漢肺炎出現😷，導致有啲計劃都要擱置。幸好，一路行，一路認識到唔同嘅人，有機會合作擦出火花。例如知道甘肅街玉器市場將要因為工程而被搬遷，所以搵嚟玉器街行內人士舉辦玉器街導賞團，為各位愛香港文化嘅朋友介紹玉器業嘅興衰，由市場到小巷，將各種玉器歷史知識帶俾參加者，聽到大家表示喜歡依類本地遊，並會推介比朋友，我哋都心感榮幸😊。之後又受到鯉魚門創意館館長邀請幫手招募公眾人士參加中秋標語創作比賽和藍染工作坊，並第一次拍攝活動花絮影片，亦都係一個有趣嘅嘗試。 嚟緊一年，希望可以發掘到更多香港娛樂好去處和舉辦不同類型活動比大家參加，令到大家唔洗咁悶。🤘🏻 #放街去邊#拍拖好去處 #親子好去處#週末好去處 #香港好去處 #放假有咩做#導賞團#香港工作坊 #工作坊#本地遊#展覽#香港#explorehongong#discoverhongkong#tripguidehk#出街 ------------------------------------ 🔍發掘更多玩樂指南資訊，解決出街去邊度，跟住去邊嘅煩惱，請到以下連結 website : tripguide.hk Instagram: Instagram.com/tripguide.hk mewe：mewe.com/p/tripguidehk