又幾岩...🙈 阿仙奴新球場時期連續咁多年都幾乎冇錢收購球星，尤其初期仲要靠賣隊長賺錢，但雲加仍然每季力保前四，發掘極多有潛質新秀，並以名不經傳嘅球員踢出華麗地面進攻，甚至有一兩季曾經衝冠。 而家睇返，簡直好似魔術師變戲法咁神奇，而且仲係橫跨多年，飽經試煉嘅成就，呢幾年穩奪前四對阿仙奴嘅貢獻絕對不下於不敗奪冠。而且球會上下喺雲加治下井井有條，即使雲加出名慳錢亦冇炒清潔龍Gunnersaurus，冇引發關公災難，中立球迷都知道阿仙奴嘅足球哲學唔係燒味，雲加冇話自己得7%輸俾拜仁，即使新球場巨大財政壓力亦冇裁員。回憶係幾咁美好？ #波事春秋 #阿仙奴 #雲加