打機令我學識左輸入法之外 仲識左一班好朋友 當年玩online game既時候 我一直都係用手寫版 然後打字唔夠人快 鬧交筆戰都唔夠人黎 之後我好樣衰咁向同公會既人 逐隻逐隻常用字咁慢慢學番黎 除左學識左速成輸入法 我仲識左幾個資深朋友 而果幾個朋友 而家仲係一直有聯絡 其中有個幾個女仔仲已經結婚生子 而家仲會得閒約出黎食飯 我記得當年雖然未有電競鍵盤電競滑鼠呢啲 但係果陣已經係用緊logitech既鍵盤滑鼠組合 有線既又有 無線既都有 我到而家仲用緊Logitech既G700s 滑鼠 雖然比我用到好污糟 但係依然性能良好