#黃店 #撐黃店 #黃色經濟圈 今晚去咗 #重慶大廈 食 #印度菜 #MotiPalaceIndianRestaurant 第一次去重慶大廈，第一次係香港食印度菜，一入大廈一個印度人走嚟sell餐廳，拎完leaflet就一堆衝嚟sell，佢地好可愛好熱情，係咁同其他人講「比佢地自己揀」但又一路sell自己間店。最後我地一決定好邊間佢地就會好有共識散開，唔會再chur你，一開頭會嚇親，但諗返真係好得意🤣 講下間餐廳，個前菜脆餅已經好驚喜！本身個脆餅已經帶鹹，佢配嘅綠色醬好有趣又幾好味，應該係一種青豆醬，一開始係有檸檬味酸酸地，之後又會有少少辣味點上嚟，超正！ 到個Masala Dosa (三個醬戈個)，個餅中間係有啲咖喱味薯蓉，最大碗戈個醬係較淡咪嘅素咖喱（可能因為本身個餅已經夠香），中間紅色係辣嘅，白色戈個係杰身嘅，但有咩味，我三樣醬一齊點都幾正！ 最後係我地叫嘅Bread Basket，出奇地大兜，八塊大大塊，點埋個印度咖喱雞，勁夾！印度嘅咖喱雞好香～啲雞仲冇骨，真係好好食啊！！！😭 我地叫咗杯印度奶茶，佢地嘅奶茶好特別，唔太甜，有薑味同香茅味，好特別，我都幾鐘意。 食到一半，有個男人（我估係老闆？）走嚟問我地啱唔啱食，又問我地係邊度搵到佢地餐廳，最後講咗句「我地大家都係自己人～慢慢食」好warm🤤🥰