今篇就同大家講下凱悅既餐飲💁🏻‍♀️,由於個package 包哂3餐,所以真係試哂3餐。 ~午餐~ 午餐由咖啡廳提供送上房,有中西印餐揀,我哋揀咗一個海南雞🐥飯同埋咕嚕肉飯,2個甜品都係芒果🥭布丁。 坦白講,呢餐質素係失望既😞,如果係普通連鎖餐廳,我覺得仲可以收貨,但以酒店而言,真係唔太掂。 海南雞啲份量係多,不過肉質唔算滑嫩,但醬汁整得唔錯。最大問題係個油飯,太乾太硬😩,真係要溝住湯食先ok。而個咕嚕肉偏肥,瘦啲會比較好,因為佢炸得都幾硬下。最後個芒果布丁真係出咗事,味道ok,但佢唔夠滑,內裏好多氣泡🤯,所以唔好俾佢個樣呃咗。 味道👍:4.5/10 ~晚餐~ 比起午餐,晚餐情況好好多,雖然都係由咖啡廳供應。不過晚餐既中菜由凱悅軒提供💁🏻‍♀️,相信應該好過午餐既。 其實本身晚餐唔係三文魚,因為佢轉咗menu,但酒店方面好好,知道咗我媽咪唔食牛肉後,幫我哋轉咗三文魚☺️,所以呢餐食得好滿意。 三文魚份量好大條好厚,肉質好juicy,不過有啲位置偏燶,而西蘭花烚得好爽脆,食完真係超級飽😚。佢仲配埋甜品芝士蛋糕,呢次甜品好食好多,真係大滿足。 味道👍:8.5/10 ~自助早餐~ 自助早餐就冇咩特別,同一般酒店差唔多,但估計因為要防疫,所以佢分咗2邊,其中一邊啲款式好似多啲,因為我到有窩夫🤣,但我嗰邊冇。 不過佢今次早餐食得好趕,得一個鐘,唔可以舒舒服服坐喺到嘆下,呢點就有啲失望喇。 味道👍:07/10 如果俾我揀多次,我應該揀佢個1000蚊餐飲回贈💁🏻‍♀️,拎嚟試Hugo's 或凱悅軒都唔錯。 #hyatt #hyattregency #hyatthk #hyatttst #staycationhk #staycation #foodloversdiary #酒店 #neard好西 #尖沙咀 #尖沙咀美食

Related Feeds

~甘永泰魚蛋~ 其實呢次係YY第一次食甘永泰既魚蛋🤣,之前一直食其他鋪頭既,點知今次試咗就返唔到轉頭。 炸豆卜($2️⃣0️⃣) 佢炸得外脆內軟,入面係自家製既魚蛋,好夠鮮味,食完想再食😍,不過佢偏油,食完都幾有罪惡感。 我哋仲買咗佢自家製既魚蛋同蝦丸,雖然都偏貴,但真係好好食😋,下次去一定要買多啲返屋企! 味道👍 :09/10 CP值💰:08/10 #甘永泰魚蛋 #長洲 #長洲美食 #foodloversdiary

今日係冬至,祝大家冬至快樂😜 #冬至 ~ Check-In Taipei ~ 無得去台灣玩住,唯有係香港食住台灣菜止下癮先😂😂😂呢間check-in Taipei kk都聽過好多次🙈今次終於同fd試左👍🏻真心幾正 酸辣牛肉麵($1️⃣1️⃣8️⃣) 呢個麵呢可以自己揀要刀削麵定寬粉絲㗎🙈kk就揀左刀削麵❤️佢啲麵條真心軟硬適中,有咬口得黎又唔會太硬👍🏻👍🏻不過最正嘅其實係佢個湯🙈佢一開始係酸味重辣味少🙈但勝左湯底比較清,所以飲落幾唔錯👍🏻👍🏻但佢仲有個特別位係可以加佢哋自家製嘅辣牛油再調較辣度,所以一個麵都可以食落有唔同味㗎 手繪雙色鹽酥雞($8️⃣8️⃣) 呢個都好正💗💗首先佢個鹽酥雞真心皮脆肉嫩😍炸粉唔厚而且雞肉仲好多汁🙈加上佢嘅黑松露醬同柚子醬🙈一個食落勁香黑松露味,一個食落甜甜地又好清新🙈一碟鹽酥雞三種口味🙈真心正 蒜香三色台腸($6️⃣8️⃣) 呢個都係好食嘅🙈但對比其他比較普通😂😂😂不過特別嘅係佢有三種口味嘅台腸🙈食落又香又甜,配酒真心唔錯 髒髒芋泥鹹蛋黃蛋餅($8️⃣5️⃣) 呢個係kk嘅愛🙈佢係內裏有滿滿嘅芋泥餡料,外面又有鹹蛋黃同煉奶🙈所以佢食落有少少鹹蛋黃嘅鹹香味,同時又有滿滿嘅芋泥甜味🙈🙈真心好滿足㗎 Oreo 奶奶麻糬($8️⃣5️⃣) 呢個都好正🙈佢嘅麻糬奶味好足,仲要有少少入口即溶,配埋滿滿嘅Oreo真係又香又甜 味道👍 :8.5/10 CP值💰:6.5/10 (價錢偏貴) 環境🍽 :9/10 #checkintaipei #牛肉麵 #鹽酥雞 #台腸 #蛋餅 #奶奶麻糬 #中環 #中環美食 #foodloversdiary

~Burger Begin~ 原來紅磡開咗間新既漢堡店😛,見到佢有素漢堡,即刻買返個試下先。 大啡菇牛油果素漢堡($5️⃣8️⃣) 呢個一打開就忍唔住哇咗聲,好大個呀😚。佢塊菠蘿同大啡菇好夾❤,食落甜甜地,配埋酸酸地既沙律醬一齊食好清新。而個大啡菇就好juicy,成個食落去好飽肚,真係好好食。 日式漢堡($5️⃣8️⃣) 個日式漢堡中間塊肉都好厚下🤪,而且極多汁,比想像中嫩滑,m記同佢真係冇得比🤓。佢個汁幾特別,加咗好多配料,原來都係自己調較出嚟,同出面食到既好唔同,同塊漢堡好夾,真係幾唔錯。 炸雞配特製辣沙律醬($3️⃣8️⃣) 個炸雞新鮮炸起🤪,雞肉仲係好滑。佢今次個醬汁辣辣地,愈食愈辣,唔食得辣既朋友要小心🤣,不過佢就咁食都唔錯。 另外,我哋加咗1️⃣5️⃣蚊有份薯條,正常薯條味,比m記粗少少,食落都仲有薯蓉,唔會乾爭爭。 其實我哋本身想叫芝士食,不過賣哂,唯有下次再試喇。 味道👍 :8.5/10 CP值💰:08/10 #紅磡#紅磡美食#burgerbegin #foodloversdiary #nearD好西

香港地圖 ※必食必玩必買※ 😎

兩位90後女仔 : KK🐱& YY🐑 Open🍚LV3 平時鐘意食野同去旅行✈️ 🇭🇰🇨🇳🇹🇼🇰🇷🇯🇵🇬🇧🇹🇭🇦🇺🇮🇹🇵🇱🇵🇪 同大家分享各國美食😍 ig: food_loversdiary

香港地圖 ※必食必玩必買※ 😎

Dordor

726 Followers

98 Followings

926 feeds

Dordor

food_loversdiary

177 Followers

3 Followings

228 feeds

food_loversdiary

小熊維尼

12 Followers

5 Followings

269 feeds

小熊維尼

China

Hong Kong

New Territories

Sha Tin District

Sha Tin District

Kau To

Ma Liu Shui

Station Road

Chinese University of Hong Kong