下次好想去長康邨圖書館朝下聖🙈 //【戲尋青衣】探員總比殺手遲一步嗎？ 圖書館拍戲俾你地感覺係點樣？拍文戲？劇情涉及許多細致嘅對白，又沈又悶？如果係一齣動作片，大家又會唔會想像到係咩情況？以下介紹嘅電影部份情節就係取景自青衣公共圖書館，時間約莫2至3分鐘，大家不妨去睇下！故事主要圍繞喺兩個殺手之間嘅故事，一個就係初出茂茅廬嘅香港殺手Tok同資深嘅日本殺手O。喺泰國桂河，Tok進入當地警察局執行殺人任務，用散彈槍幹掉多名警察，最後用多枚手榴彈炸死關押拘留所的目標人物。由於Tok不滿報酬過少，主因係佢唔係頂級殺手，所以佢對O產生嫉妒同恨意。而O喺吉隆坡火車站嘅一次行動入面，俾朋友竹野先生發現，喺持續追問之下，唯有喺除掉目標人物之後，順手處理埋竹野先生。 國際刑警李和呂追查竹野被殺案，而剛好查到O喺圖書館查閱資料，戲碼就喺呢到發生。介紹返，青衣公共圖書館為康文署轄下一間分區圖書館，位於青衣市政大樓一樓，於2000年遷入現址，喺當時嚟講係完全一個新場地，但經過左廿年格局都似乎冇咩改變，等小編用文字為大家導航吧！當探員從正門進入時，先會見到衣帽間，然後喺佢右手邊有一個長Ｕ型嘅櫃枱。在佢身旁嘅角落就係處理還書嘅地方，中間突出嘅位置就係辦理圖書證與其他查詢服務，而在遠處則有職員處理外借圖書。同時喺背後則有一個透光嘅房間，就喺可容納數十人嘅自修室。每當到三、四月公開試臨近，就會變得人頭湧湧。經過在電腦發現剛才有人搜尋過相關紀錄就知道應該殺手喺附近。話頭一轉兩個探員立即走入去成人圖書館，就會搵到仍身處位置。 可惜去到嘅時候，殺手已經先行一步。在查問殺手嘅衣著嘅同時，男探員急急腳走出成人圖書館位置，去到擺滿參考圖書嘅矮櫃，旁邊有數張展枱供讀者閱讀。由於擔心殺手持械嘅情況，所以揸著槍周圍搜捕，大家會望到門後面就喺兒童圖書館。男探員走出圖書館後發現疑犯嘅行蹤就箭步前往升降機。途中大家會隱若見到背景係宏福花園、海悅花園。當然探員去到升降機前送𨋢尾，最後都係白走一趟。所以話點解探員總喺比殺手遲一步呢？要營造懸疑同緊張感嗎？ 小編記得遷址前嘅青衣公共圖書係位於長康邨康盛樓地下，於1986年啟用，直至2000年遷走，歷時14年。當時隔一兩個禮拜就會跟著家人乘搭巴士上去長康去逛一轉，一兩個鐘之後又走回涌美路坐車落山回家，雖然對舊圖書館嘅記憶已經依稀模糊，但企著喺舊青衣公立學校旁邊嘅巴士站，望著陡斜嘅涌美路，已經似係去左一次小型旅行。補充返，除左市政大廈嘅圖書館之外，其實青衣仲有幾處設有流動圖書車喎！青逸軒每逢星期四都會設有、長青則隔一個星期四、而長宏喺最近呢一個月裡只有一個星期三停泊。長宏嘅島民又有冇親身上過去呢？ 科技日新月異，知識嘅載具亦由紙本轉移到電子器材上面。昔日要吸收知識，就要走向書店購買或者前往圖書館借閱。時而勢易，網上可獲得大量資訊，圖書館嘅人氣亦似乎大不如前，除左一個寧靜嘅自修室外，唔知大家對上一次走進圖書館喺因咩事走入去呢？大家又有冇咩野喺圖書館嘅往事可以同大家分享下？// #戲尋青衣 #卡士蘭大叔 #讀萬卷書不如尋萬里路 #圖書館仲有幾多人去 #同熱愛這片土地 #長康邨 #青衣公共圖書館 #青衣 #全職殺手 #朝聖 #電影現場之旅