#香香食好西 #nearD好西 #食在元朗 又係辣妹出動嘅時候💁🏻‍♀️ 聽聞元朗有間出名爆辣嘅撈麵，當然要挑戰吓～～見返呢種中學雞時代成日幫襯嘅冷麵店，好親切🤣🌝 🌶辣度有唔同程度揀，平時食開譚仔大辣完全無感嘅我今次試咗中辣，難得feel到有辣味😳 家姐仲食到不停要飲奶添🤣🤣🤣佢哋嘅辣香口唔麻，食起嚟好開胃，真心有驚喜❗️ 🥗爆撈小食 細撈 $38 用香甜粟米做base，撈埋韓式魚片、雞肉腸、蟹柳、蟹籽、魷魚同火腿丸，食材本身清淡，夾埋辣醬唔會過鹹👍🏻👍🏻 火腿丸紮實、粟米爽甜、蟹籽卜卜脆，咩口感都齊哂，難怪咁多人嗌！ 🍜100g蟹籽冷麵 $40 上過雜誌嘅招牌菜—— 4.5包冷麵加100g足料蟹籽，起碼三個人先食得哂。 麵質偏冧軟，反而同爽脆嘅蟹籽攞返平衡，冷涼感同蒜香充分刺激食慾，忍唔住一啖接一啖，咁大盒但食落唔飽滯。 🥢經典透明袋裝撈撈麵 $15/3包 那些年嘅經典小食，今時今日$15食得飽去邊度搵？ 同蟹籽冷麵唔同嘅地方係餸菜選擇較多，可以揀幾樣每樣試啲，啱哂眼闊肚窄人士。 📍爆辣冷麵 (元朗) 元朗又新街37-51號又一新城1樓F066號舖